مواصفات موظف ارامكو

مواصفات موظف ارامكو





· إن حضر المناسبات، يأذّي الناس ... ما يتكلم إلا عن ارامكو وبس



· ممتاز جداً في اللغه الانجليزيه ورايح في خرايطها في العلوم الأخرى



· رغم إن الأعمار بيد الله إلا أنه من الملاحظ إن الإكسباياريشن ديت حقه من سنه إلى سنتين بعد التقاعد مباشرة



· دايم يسب ويلعن سنسفيل جد ابو رؤساه في العمل



· متقيد بأنظمة المرور داخل شبك ارامكو أمّا خارجها ... فانحش عنه



· دايماً يفكر بالتقاعد وسوالفه أكثرها عن إشاعات البكج الجديد للتقاعد



· محسود على الهم اللي هو فيه



· ماعنده وقت يسوي عيال واجد



· الصلاة فرض في المسجد وفرضين في أي محل وفرضين وسّع صدرك



· مقاوم للسهر، يُسمى منذ قديم الأزل بالدجاجة نظراً لنومه مبكراً



· كل همه في الدنيا إن تقييمه آخر السنة ما يكون M



· مقاوم للجوع، بريده يابسه الصبح ووحده في الليل



· رغم حقيقة الفقره أعلاه، إلا أنه يمتلك كرش على الغالب



· يكرف من 8 ساعات الى اربع وعشرين ساعه في اليوم (عادى)



· تجد عوامل التعريه لاعبه في وجهه من الهم



· كثير الكلام عن زوجة ثانية بس على خرطي، عاد كأن عنده وقت حق الوناسه



· كثير الديون والأقساط



· قليل التواجد في المناسبات الإجتماعية والعائلية



· أصلع من الهم ويلبس نظاره بعدسات مجهر مكبر



· دايم يكرر كلمة YES لأن الشركة برمجته إن يكون ييس مان



· تجد عنده سياره خرده موديل ألف وتسعمية وخمسين قبل الميلاد وعياله والسواق حقه كاشخين بسيارات آخر موديل



· غير معروف في حارته أبداً



· مطيّح في البحرين في الويك إندات، خصوصاً الويك إند اللي مع الراتب



· شمعه يحترق ويضئ لغيره



· احلامه إن يشتري من مكافأة التقاعد عماره ... مو له طبعاً للورثه !!!

مميز دائماااا كعااادتكـــــ عسأكــ عالقوه